FANDOM



LOTR book covers

Cendelë i parmo Heru i Million

Heru i Million i parma Arcastarenen ná.

Nás nyarna i lúron apa I Perian técina imbi 1937 ar 1949, Attëa Ambar Ohta. I parm' anameld' ar antúrëa ep' ilya sé i 20ëa haranyë.

Cataquenta Edit

I parmo yestassë, Sauron i Morna Heru macanë i Cáno Corma Orontessë Amarto Morinórëo. Apa i apairë i ohtassë Sauronna, i firya Isildur aucirië i Corma mállo Sauronwa ar nampë s' an immo. Isildur tá nahtana né ló orqui, ar i Corma vanwa né sé Anduinë.

Apa coranári yúyo húmi váner, i perian Déagol hirnë i Corma írë lingwiremala yo Sméagol. Sméagol tá nahtanë Déagol ar nampë i Corma. Mal i Corma huntë Sméagol, ar vista sé i ulundonnanna Gollum. Gollum yeltanë Anar ar sië nornë Orontinnar Hísiti ar tás nurtanexes felcossë.

I PerianessëEdit

Yáressë i Naucali as Olórin, i Perian Bilbo Baggins lender Oronti Hísitinna. Apa mahtië orcolinnar, Bilbo vanwa né ar lendë i felconna Gollumwa. Tás hirnes i Corma. Pan i Corma úcenimatanë i colindo, Bilbo unsë orcolillon. Bilbo tá collë i Corm' ana Taranna.

QuentaEdit

I Nilmë i CormalloEdit

Tarannassë, Frodo Baggins antanië né i Corma ló Bilbo Baggins. Istar Gandalf i Sinda, parë i lúmequentalë i Cormallon ar maquentë Frodo collë i Corma oa Tarannallo. Frodo oantë as meldoryar Samwise Gamgee, Meriadoc Brandybuck ar Peregrin Took. Omenteltë i Úlairi yá Tarannassë, mal usiltë pan lendeltë mí Yára Taurë, yá te manya nér ló Tom Bombadil. Apa, hautaltë an lómë mí i osto Bree. Tás omenteltë Aracorno, man esta immo ‘Telcontar’, ar veryas te na i tulyando ar varyando. Oanteltë Bree apa enusiltë Úlairi. I lendassë Imbilatarisanna, Frodo harna né Ambosse Súrëo ló Úlairi. Te roita nér, tenna sé Tarna Bruineno, Frodo ar meldoryar varna nér, pan sírë nén turnë ló Elerondo, heru Imbilatariso, ortanë ar i roccor Úlairio quorin nér.

Frodo tá envinyanta né ló Elerondo Imbilatarisessë. Mí omentië telwina, anes úvië Sauron né acca tulca, ar i eressë tië metya túrerya né nancarië i Corma. Sina polë na carina eressë Oron Amartossë Morinórëo, yassen anes taminë. Frodo úvië collië i Corma Morinórenna, ar “Nilmë i Cormallo” cilina né varyan se. Nilmë i Cormallo harya nertë queni. Néltë Periandi Frodo Baggins, Samwise Gamgee, Meriadoc Brandybuck ar Peregrin Took, Istar Gandalf, Gimli Gloinion i Nauco, Legolas Thranduilion i Quendë cundu tavas ardao Mirkwoodessë, ar Firyar Aracorno Arathornion ar Boromir Denethorion Ondonórëo.

I Nilmë i Cormallo nindë né lendë minna Moria, yassen omenteltë orqui. Gandalf varya i Nilmë Valarauconna, mal lantanes mí núra cilya. I exë meldor usië, tulina ló Aracorno. Lendeltë Lóriendenna, yassen omenteltë Altariel, man antanë te lunti ar annar. I Nilmë tácírë ló Sírë Anduinë Ambonna Hendo. Tás Boromir lantanë undu i túrë i Cormallo, ar nevë nampië sa Frodonna. Frodo tá oantë i Nilmë ar vórë i lenda Morinórenna uo eressë yo Samwise, i tulë asien ar varien sé.

I Mindor AttaEdit

Orqui leltaina ló Sauron ar Saruman tulë, Boromir nahtana ló orqui né, Merry ar Pippin nampina nér. Aracorno, Gimli ar Legolas roita i orqui aranienna Rocconórëo. I orqui nahtana ló Roccohéri nér, ar Merry ar Pippin usië mí Fangornë Taurë. Tás tulcaneltë nilmë as i Aldamavori, tulyanë ló Fangornë. Fangornë Tauressë, Aracorno, Gimli ar Legolas omenter Gandalf, ye apa palpierya i Valarauconna, pelë ar vistina na i ambë turëa ‘Gandalf i Ninquë’ né. Gandalf lendë yo i neldë Rocconórenna, omenteltë ar maquentë Aran Théoden tulya palpië hossinnar Sarumanwa.

I Entulessë i AranoEdit

Levemma CamtanëEdit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.