Fisica i carmë ëavëa ya mahta ormá ar hroá ar leveltá nairessë ar lúmessë ná. Yando mahta hari nati ve nirë ar veccië. Amba aicavë ná i nólë Ëo na hanya manen caras.
Fisica imbi ingoli anyárë. Húmecoranáresser tellë atta, fisica cenaina as melinolë, cemië, masematica ar cuingolmë, nan Pelë Ingolesseo fisica ortanë ingolenna erya. Nan i sundocarmë fisico masematica ná, ar cuingolmë ar cemië hilyear sanyi fisicaitë.
Fisica oloseitë ar fisica neveitë[]
Fisica rantaina atta olvar: fisica oloseitë ar fisica neveitë. Fisica neveitë tiri i sanyi Ëo sómassen manwainë, terë nevier. Etetulier neviër sineon tulcar ar rancar i olosiër. Fisica oloseitë queta ar apacéna i sanyi Ëo alasatyë.